Во соработка со Иницијативата за градење мир и демократија, Фондација Фридрих Еберт во 2004 започна проект насловен “Пртнери во мир и превенција” кој беше насочен кон зајакнување на концептот за превенција на конфликти со цел да се подигне свеста за градењето на мир, демократизацијата и интеграцијата. Земајќи ја во предвид скорешната историја на Република Македонија и Балканот и очигледните заклучоци дека цената на превенцијата е многу помала од цената која се плаќа за интервенција особено во однос на цена на животи, интереси, вредности, човекови права и развој, сосема е јасно дека политиката на превенција на конфликти мора да биде постојана тема за размислување за сите актери.

Нашиот пристап е во тоа превенцијата на конфликти да биде за суштинско разбирање на причините за конфликтите, за суштински алати за превенција на насилство кои ги надминуваат воените алати, за зајакнување на политичката волја со обезбедување на веродостојни опции за акција; за рано предупредување и делење на информации; за лидерство и соработка и координација на превентивна акција.

Активностите на Фондација Фридрих Еберт кои се спроведуваат под оваа тема беа во форма на семинари за главните актери на локално ниво, како и во форма на регионални конференции наменети за членови на парламент и владини структури, локални и странски експерти, членови на академската заедница и НВО-a.

Наши специфични цели се:

- промоција на концептот за превенција на конфликти меѓу јавноста и донесувачите на одлуки низ зајакнување и задлабочување на концептот и неговите регионални димензии и воедно промоција на пристапот оддоли-нагоре во превенцијата на конфликти со акцент на акција на локално ниво
- промовирање на дијалогот меѓу различни актери во превенцијата на конфликти, како и помеѓу нив и претставниците на цивилното општество
- идентификување на регионалните и националните специфики во имплементацијата на меѓународната превенција на конфликти
- обележување на важноста на процесите на асоцијација, стабилизација и интеграција во ЕУ и НАТО за регионот на Југоисточна Европа
- оценка на потребите, искуствата и научените лекции од меѓународна како и национала перспектива за преевнција на конфликти
поврзување на политиките на превенција на насилни конфликти со концептот на човечка безбедност

Партнери на Фондација Фридрих Еберт во воспоставувањето на дебата за прашањето на преевнцијата на конфликти и човечката безбедност се Иницијативата за градење мир и демократија и Министерството за надворешни работи на Република Македонија.

The Conflict Prevention topic at FES.de